Rheoli Busnes gyda’r Gymraeg a Blwyddyn ar Leoliad Gwaith Proffesiynol - BSc (Hons)

Cardiff University

Ar ein rhaglen (BSc) Rheoli Busnes gyda’r Gymraeg a Blwyddyn ar Leoliad Gwaith Proffesiynol, byddwch yn archwilio'r ffyrdd amrywiol y mae sefydliadau'n ymateb i ofynion busnes cyfoes sy'n newid yn gyflym. Mae ein pwyslais ar reoli cynaliadwy, ynghyd â'r egwyddorion busnes craidd sy'n bwysig i ddiwydiant byd-eang, yn golygu y byddwch wedi'ch paratoi'n dda i arwain sefydliadau'n llwyddiannus mewn byd sy'n fwyfwy cymhleth, digidol, a chydgysylltiedig. Wrth astudio’r Gymraeg byddwch yn meithrin sgiliau Cymraeg lefel uchel, ynghyd â dealltwriaeth drylwyr o’i lle yn y Gymru gyfoes.  Yn ogystal â sgiliau allweddol o ran rheoli, cyfrifyddu a marchnata, byddwch hefyd yn magu’r sgiliau gwneud penderfyniadau amhrisiadwy y mae eu hangen ar gyfer arfarnu, datblygu, gweithredu a gwerthuso gweithrediadau effeithiol. Byddwch yn meithrin y feddylfryd entrepreneuraidd sy’n ofynnol i fynd i'r afael â heriau cymdeithasol ac amgylcheddol, yn ogystal â sgiliau a galluoedd personol proffesiynol hanfodol. Drwy fodiwlau dewisol, byddwch yn teilwra'ch gradd i'ch diddordeb unigol a'ch uchelgais o ran gyrfa. Drwy ein partneriaethau â’r diwydiant, byddwch chi’n gallu ymgysylltu â heriau busnes yn y byd go iawn, gweithgareddau a arweinir gan gyflogwyr a phrosiectau cymhwysol i gysylltu eich dysgu ag arferion cyfredol y diwydiant. Ym mlwyddyn 3 byddwch yn camu allan o'r ystafell ddosbarth ac i'r byd go iawn gyda'ch Blwyddyn Lleoliad Gwaith Proffesiynol – rôl â thâl i ategu eich astudiaethau academaidd a rhoi hwb pellach i'ch rhagolygon o ran cyflogadwyedd. Mae'r Flwyddyn Lleoliad Gwaith Proffesiynol yn gyfle gwych i roi'r wybodaeth rydych chi wedi'i meithrin ar waith: byddwch chi'n mynd i'r afael â heriau busnes go iawn, yn magu profiad ymarferol, ac yn meithrin y math o sgiliau y mae cyflogwyr yn chwilio amdanynt.   Byddwch yn graddio o'r rhaglen yn barod i ffynnu ym myd busnes, gyda'r sgiliau y mae arnoch eu hangen ar gyfer arweinyddiaeth hyderus a strategol i sicrhau llwyddiant cynaliadwy. Byddwch hefyd wedi'ch paratoi'n dda ar gyfer astudiaeth ôl-raddedig. **Nodweddion unigryw’r rhaglen** **Ein harbenigwyr ni, eich athrawon chi** \Dysgwch gan gyfadran o academyddion o'r radd flaenaf yn ein hysgol fywiog a chynhwysol **Canolbwyntio ar gyflogadwyedd** \Datblygu sgiliau parod ar gyfer gyrfa mewn rheoli, marchnata a chadwyni cyflenwi drwy ddysgu ymarferol. **Yn gysylltiedig â diwydiant** \Manteisiwch ar brofiadau o’r byd go iawn drwy ddarlithoedd gan arbenigwyr yn y diwydiant, lleoliadau gwaith, a chyfleoedd astudio byd-eang. **Cyfrifol, moesegol, a chynaliadwy** \Datblygwch eich meddylfryd moesegol a'ch ymwybyddiaeth o gyfrifoldeb cymdeithasol yn barod i ddod yn arweinydd busnes. **Cyfuniad unigryw o fusnes a’r Gymraeg** Dewch i wella eich dealltwriaeth o'r Gymraeg a diwylliant Cymru yng nghyd-destun rheoli busnes.**Blwyddyn ar leoliad gwaith â thâl**  \Gwellwch eich rhagolygon o ran eich gyrfa gyda blwyddyn o brofiad mewn diwydiant, gan roi damcaniaeth yr ystafell ddosbarth ar waith yn y gweithle.

Cardiff Business School